[walaa farouk]

وابنة عذراء عظيمة في قوتها 💪🏻👸🏻
أكثر من الشبان الأقوياء صانعة قوات عظيمة.

الشهيدة مارينا 😍 تسمعوا عن البنات اللى ب ١٠٠ راجل دول
اهى ديه بقى واحده منهم

بنت ١٥ سنة بس يادوب لكن وقفت قدام الوالى وملوك و جنودهم و رفضت الإغراءات العظيمة بس ماشى ديه سهلة نعديها

استحملت أبشع العزابات اللى يقدر يستحمل منكم انه يادوب يقراها
بس ديه كمان نعديها ماشى

تنين 😳.. اه هو الكائن الأسطورى ده حيوان ضخم كده
و مرعب ظهر فى السجن و عادى اتخضت واترعبت زى اى حد بس هى كانت اشطر من أى حد و قعدت تصلى حتى بعد ما الوحش ده بلعها
(اه كان ضخم لدرجة انه يبلعها فى فتحة بق واحدة)
و فضلت تصلى ورافعة ايدها على شكل صليب
فانشقت بطنه ومات و هى طلعت سليمة ..

طيب الشيطان 👿 ايوة هو اللى مبهدل البشرية كلها
و مجرد سيرته بس بترعب ناس كتير
هى بقى مسكته لما ظهرلها فى شبه إنسان وكالعاده صلت
و قامت مسكته و رمته على الأرض وداست عليه برجلها
مش بس كده ديه لقيت عود حديد راحت واخداها
و نزلت على راسه بيها
فجأه السجن نور والصليب ظهر ومعاه حمامة بشرتها
بالاكليل السماوي و بعدها رشمت الصليب على الارض
فانشقت وظهرت الهاوية و بلعت الشيطان

مارينا اللى عندها ١٥ سنة بقيت أميرة الشهيدات إنبهارى وحبى لسيرتها بيزيد كل مرة
تحية لكل مارينا ماشية فى طريق الأميرة مارينا 😍
و لكل بنت ماشية فى سيرتها او بتحاول حتى ..


اشفعى فينا يا عروسة المسيح

👑 تذكار استشهاد أميرة الشهيدات مارينا مارينا
التى غلبت الشيطان - 23 أبيب