[walaa farouk]

بدون رجاء منقدرش نكمل😌..

عايزك تعمل بحث كدة على كلمة "تشَدَّدْ" في الكتاب المقدس،
كمان كلمة "تَشَجَّعْ" ... لو خلصتهم كمل بحث في كلمة: لا تخَفْ .
. لو لسة عندك وقت كمل بحث عن كلمة "أنا معك" ...
خط رئيسي في كلمة الله هو التشجيع والتأكيد أننا مش لوحدنا، لكن معونة ربنا هي اللي بتخلينا نقدر نكمل🙏🏻
مهما حاولنا نقول "أنا جدع" بنقع ونخور في الطريق
، هو بس اللي بيخلينا نكمل!😇
في بداية استلام سليمان للمملكة، جه داود وقال له: «تشَدَّدْ وتَشَجَّعْ واعمَلْ. لا تخَفْ ولا ترتَعِبْ، لأنَّ الرَّبَّ الإلهَ إلهي معكَ. لا يَخذُلُكَ ولا يترُكُكَ حتَّى تُكَمِّلَ كُلَّ عَمَلِ خِدمَةِ بَيتِ الرَّبِّ." يعني اللي بيقوله داود لابنه هنا بثقة عن ربنا أنه معاه ومش هيسيبه ولا هيخزله،
لحد ما يتمم عمل خدمة بيت الرب⛪..
عمل بيت الرب في العهد الجديد مش بس الخدمة والكنيسة لكن هو "أحنا"، لأننا هيكل الله الحي، وعشان كدة عايزين نقول كلمات داود دي بصياغة تانية لكل حد بيتابع صفحتنا #تغيروا:
تشدد وتشجع يا تابع المسيح وكمل عيش ليه..
ماتخفش ولا ترتبك مهما كان اللي حواليك🫂..
عمره ما هيخزلك ولا هيسيبك
وحدك لحد ما تكمل عمله ومقاصده لحياتك ..
لأنه ببساطة إلهنا العظيم معاك 💪🏻💪🏻