[walaa farouk]

سمعت عن العزلة؟ 😟
العزلة والوحدة حاليا بقت من أكبر الأمراض اللي بتواجه مجتمعاتنا،
تفتكر ليه؟ 🤷‍♂️
إحنا كبشر لم نخلق عشان نعيش في عزلة،
لكن محتاجين نكون في تواصل مع أشخاص تشبهنا
منحسش إننا أغراب وسطهم.. 😔
لكن إحنا أوقات اللي بنحبس نفسنا، مش بنحاول نخرج ونتعامل مع الناس أو جايز ملقيناش الناس اللي نرتاح وسطهم اللي بنسميهم مجتمع صحي مع الوضع في الإعتبار إن كل شخص عنده عيوبه حتي لو كان مجتمع صحي... اللي مقصود بيه ناس أتنفس وأنا وسطهم وأتقبل زي ما أنا وأقدر أعبر عن رأيي وأكون حقيقي 🙏 طيب الحل إيه لو أنا في عزلة؟؟
ابدأ بنفسك .. مدرك إنه صعب بس تعالى نفكر سوا🤔 مين الناس اللي حواليك؟
ممكن مثلا عيلتك .. جرب تبادر تجاههم شاركهم لحظات مرح، ضحك، اتفرجوا على حاجة كوميدي سوا مش لازم تتكلموا في حاجة جد لو بتختلفوا سوا، واحدة واحدة ممكن تكسبهم 🤗
مين تاني ناس حواليك؟ أصحابك في الشغل!
جرب مثلا تجيبلهم حاجة بسيطة زي كيكة مثلا مع كوباية الشاي الصبح وصبح عليهم بوجه بشوش، يوم تاني قولهم ما تيجوا نفطر سوا كلنا، مرة تاني قولهم ما تيجوا نخرج سوا، واحدة واحدة هتكسر جو العزلة اللي عايش فيه 🤗
اسعي وهتلاقي ربنا بيكرمك ويفتحلك أبواب من عنده 👆