24 - 07 - 2022, 11:00 AM
|
|
|
|
..::| الإدارة العامة |::..
|
|
|
|
|
|
صباح الخير وانت الخير كلة
انهاردة اللي شاغلني وعايز اقولهولك
" انت المعني وانت القيمة"
انت قيمتي
قبل كدة يا ما دورت علي قيمتي في عيون الناس...:
رجعت بحسرة ومالقتهاش...
ودورت عليها في الوظيفة ومكانتها....
ورجعت تاني لنفس النتيجة . الوظايف مش دايمة لحد
فكرت يمكن في الفلوس !!!!
شفت بعينيا اللي نايمين علي تلال فلوس....
وبيفقدوا قيمتهم بنزوة او كاس
بص من الاخر ومن بعد الاخر
وهنا ودلوقتي
مالقتش المعني ولا القيمة ولا الكرامة
الا وياك
انت جينتل جدا
وبتعاملني بشياكة قوي
شفتك بتستر عيوبي
وبتغطيني وقت مابعري نفسي.....
وتكبرني وتعلمني
شكرا جدا علي انك وريتني ان المعني فيك
وقيمتي بالاقيها معاك
وفي نهاية حواري انهاردة معاك
مش قادر امنع نفسي من اني اقولك " بحبك"
حوارات_مع_الخالق
|