[walaa farouk]

(مافيش منك اتنين)
عارف الشخص اللي بيقول انا ماستهلش بس من جواه بيقولها علشان نقوله لا اذاي انت (مافيش منك اتنين)
عارف الشخص اللي يقولك انا مش بفهم حاجه ومن جواه عاوز يوصلك انه فاهم علشان نقوله لا اذاي انت (مافيش منك اتنين)
عارف الشخص اللي يقولك انت هاتعمله بيا انا ايه البركه فيكم وهو من جواه عاوز يبقي الكل في الكل علشان نقوله لا اذاي انت (مافيش منك اتنين)
عارف الشخص اللي تقوله اتفضل اوعظ او صلي او رنم ويقولك لا انا مش بعرف وهو من جواه لا انتوا ماتعرفونيش علشان احنا نقوله لا اذاي انت (مافيش منك اتنين )
عارف الشخص اللي يسيب مكانه ويزعل وياخد جنب ويقول هاسيب الخدمه وهو من جواه لما اشوفهم بقي هايجروا ورايا ولالا علشان احنا نقوله لا اذاي انت (مافيش منك اتنين )
عارف وعارف وعارف
كل الشخصيات دي تبقي شخصيات مرهقه يعطلوا النجاح ويخلونا نضيع وقت كبير في ارضائهم بحجه ان احنا مش عاوزين نكسف حد ونخسر حد ولكن في الحقيقه الروح دي تخسر كتير
احنا فيه مننا مش اتنين لا كتير
في اللي يعمل خدمتنا واحسن
في اللي يوعظ احسن ويصلي احسن ويخدم احسن ويرنم احسن
احنا ربنا عامل مننا كتير
هو الخادم الوحيد اللي مافيش منه اتنين هو المسيح
ده الوحيد اللي (مافيش منه اتنين )