[walaa farouk]

الجنس في مجتمعنا من الحاجات الغامضة
واللي مش بنقدر نتكلم عنها ❌
والمشكلة الكبيرة هي نظرتنا ناحية الجنس👀
الكتاب المقدس في تكوين 3 بيحكيلنا
قصة سقوط آدم وحواء في الخطية وفي تكوين 4 "
بيقول "وَعَرَفَ آدَمُ حَوَّاءَ ؟ و "عرف" هنا معناها العلاقة الحميمة
وده خلى البعض يقول طالما المعلومة اتذكرت بعد السقوط
يبقى الجنس نتيجة السقوط والحقيقة دي معلومة غلط ❌
لأن الكتاب بيقول "فَخَلَقَ اللهُ الإِنْسَانَ عَلَى صُورَتِهِ.
عَلَى صُورَةِ اللهِ خَلَقَهُ. ذَكَرًا وَأُنْثَى خَلَقَهُمْ.
وَبَارَكَهُمُ اللهُ وَقَالَ لَهُمْ: «أَثْمِرُوا وَاكْثُرُوا وَامْلأُوا الأَرْضَ،(تك 1: 27، 28)
يعني الله في بداية الخلق عايزهم يثمروا ويكثروا
يبقى الجنس مش نتيجة السقوط
كمان اوقات بنحس ان الاحسن منتجوزش
ونعيش في قداسة بدون زواج،
والحقيقية دي معلومة غلط.. لان الله هو اللي اخترع الزواج
"وَقَالَ الرَّبُّ الإِلهُ: «لَيْسَ جَيِّدًا أَنْ يَكُونَ آدَمُ وَحْدَهُ،
فَأَصْنَعَ لَهُ مُعِينًا نَظِيرَهُ»" (تك 2: 18)
بس حاسب بقى
اوعى تفهم ان كل شيء مباح
الله خلق الجنس بس علشان نمارسه
في الإطار الصحيح وهو الزواج، مش علشان نمشي
وراء غرائزنا وخلاص "لِيَكُنِ الزِّوَاجُ مُكَرَّمًا عِنْدَ كُلِّ وَاحِدٍ،
وَالْمَضْجَعُ غَيْرَ نَجِسٍ. وَأَمَّا الْعَاهِرُونَ وَالزُّنَاةُ فَسَيَدِينُهُمُ اللهُ." (عب 13: 4)
بلاش تخرج عن اللي ربنا خلقنا عليه
وتعمل أي ممارسات جنسية خارج الزواج،
متفكرش ان الجنس عدم قداسة فمش هيفرق اعمل ايه،
بلاش يجيلك فضول انك تعرف عن الجنس فتتفرج على حاجات
او تجرب حاجات، اضبط نفسك وبلاش تنجسها
واستنى استمتع.. لكن في الحلال.
☺️