[walaa farouk]

لو سألتك دلوقت انت عبد ولا حر؟
هتقولي أنا حر طبعًا
لكن تعالى شوف رأي الكتاب المقدس
في مين الحر ومين العبد 👇
السيد المسيح في مرة قال جملة صادمة للناس
"أَجَابَهُمْ يَسُوعُ: «ٱلْحَقَّ ٱلْحَقَّ أَقُولُ لَكُمْ:
إِنَّ كُلَّ مَنْ يَعْمَلُ ٱلْخَطِيَّةَ هُوَ عَبْدٌ لِلْخَطِيَّةِ. يُوحَنَّا 8: 34
يعني ممكن انت تبقى عبد!! لو بتعمل خطية
وفي آية كمان بتقول
"وَاعِدِينَ إِيَّاهُمْ بِٱلْحُرِّيَّةِ، وَهُمْ أَنْفُسُهُمْ عَبِيدُ ٱلْفَسَادِ.
لِأَنَّ مَا ٱنْغَلَبَ مِنْهُ أَحَدٌ، فَهُوَ لَهُ مُسْتَعْبَدٌ أَيْضًا!
بُطْرُسَ ٱلثَّانِيَةُ 2 :19
يعني كل حد هو عبد للشيء اللي مغلوب منه ومش قادر يبطله
النوعية اللي اتكلم عنها الرسول في الأصحاح ده هي نوعية ناس
بتمشي وراء شهواتها وبيعملوا اللي هما عايزينه وبس
وفاكرين ان دي حرية 🤷
بنشوف الأيام دي نفس نوعية الناس الشهوانية
وهو اللي يقولك ياعم سيبك إدمان ايه وكلام فاضي ايه
كل واحد حر نفسه.. لكن الناس اللي بتقول دي حرية
هما نفسهم عبيد للخطية اللي بيعملوها 👌
لأن ببساطة لو أنا حر يبقى أقدر أعمل ده ومعملش ده
لكن هم ميقدروش ميعملوش الخطية اللي متسلطه عليهم
وبكدا هما عبيد للخطية 🤷‍♂️
متسمعش للناس اللي بتقول دي حرية لانها بتجرك لعبودية
فكر معايا ياترى في خطية اقوى منك متسلطة عليك؟
فكر بصراحة وخليك حقيقي مع نفسك.. انت عبد ولا حر؟