[walaa farouk]

انا مؤمن جدًا .. وعندي ثقة غير عادية في ربنا🙌

👈لكن لو قررت اسافر من غير مااحط بنزين في العربية وقلت أنا واثق في ربنا هيوصلني .. الحقيقية أنا متدروش مش مؤمن🤦‍♀️

👈لو ريحت في بيتنا ومااشتغلتش وقلت أنا واثق في ربنا هيبعتلي فلوس .. الحقيقية أنا متدروش مش مؤمن🫠
👈أو لو ماذاكرتش قبل الامتحان وقلت أنا واثق في ربنا هينجحني .. الحقيقية أنا متدروش مش مؤمن🫣

👈حتى لو في خدمتي مبذلتش أي جهد وقلت أنا واثق في ربنا هيباركنا .. الحقيقية برضه أنا متدروش مش مؤمن🫢

أنا متدروش لما ألغي دوري بشكل من التكاسل الممزوج بالثقة المزيفة وأطلب من ربنا يعمل كل حاجة ..

وده بالظبط اللي مكتوب في سفر (الأمثال ٢١ : ٣١ ) لما قال
"اَلْفَرَسُ مُعَدٌّ لِيَوْمِ الْحَرْبِ، أَمَّا النُّصْرَةُ فَمِنَ الرَّبِّ."

🤩دوري أني "اجهز" الفرس .. أجهزه بأفضل شكل وبكل اجتهاد من غير أي تكاسل أو تواكل ..

🤩وبعد كده الدور الإلهي ..
أطلب من إلهي النصرة .. أطلب منه النجاح والبركة .. ده اللي انا معرفش أضمنه ولا أعمله ..

إلهي ساعدني أقوم بدوري بالصورة الصحيحة ..
من غير ماعيني تنزل من علي شخصك اللي بيبارك ويجمل ويكمل دوري .. 🙌
علمني أقوم بدوري، وانا كلي ثقة حقيقية إني من غيرك مش هاعرف أعمل حاجة ..💜