[walaa farouk]

النهاردة نازل الصبح مش قادر أعمل حاجة
غير إني أرفع عيني للسماء وجوايا تعب من سنين محستوش..

في أيه يارب؟؟ ...🤦‍♀️
كل شوية مشكلة جديدة وصراع جديد ....
فى دواير حياتى المختلفة ....🙄
كل مشكلة محتاجة مني قرار سريع وحكيم ... 😏
وقبل ما افوق بدخل في حاجة تانى... 🥺
ليه كدة !؟ أنا فعلا مش طالب من الحياة المستحيل !!! ... 🤷‍♀️

ولقيت كلامات ترنيمة بترن جوايا
" خلي عينك دايما لفوق وهمشيك على المياه" !!

وكانت كلمات الله واضحة قوي ... 👇
ما تفكك من المشاكل والناس والهم ...
ماتخليك باصص عليا ومركز معايا ....☺️

الله طمني بشكل مختلف 🤩
أن علشان أنا خالق الكون قولت في الحياة سيكون لكم ضيق ...
المشاكل هتكمل والموج هيفضل عالي ...
بس هات أيدك وادينى فرصة أمشيك عليها ...🤝
بس خالى عنيك دايما لفوق 💙

بطرس كان خايف ... بس يسوع إختار أنه يحطم قوانين الطبيعة
فى متى ١٤ وعدد ٢٨ - ٢٩
"فَأَجَابَهُ بُطْرُسُ وَقَالَ:«يَا سَيِّدُ، إِنْ كُنْتَ أَنْتَ هُوَ،
فَمُرْني أَنْ آتِيَ إِلَيْكَ عَلَى الْمَاءِ». فَقَالَ:«تَعَالَ».
فَنَزَلَ بُطْرُسُ مِنَ السَّفِينَةِ وَمَشَى عَلَى الْمَاءِ لِيَأْتِيَ إِلَى يَسُوعَ."

🙏🙏اطمن
طول ما هو موجود .. هتعدي أي ظروف