[walaa farouk]

- ندهله وقاله عندنا زباله تعالى خدها
طلع خدها ونزل عرقان
- قاله ريح جنبي قدام باب الدكانه يمكن ربنا يكرم ويبعت رزق على حسك
= قاله عايز رزق بصحيح ! شغل الواد ابني معاك ، ده واد مبروك وصلاته مسموعه
- قاله الاطفال كلها كده
= قاله لا ، الواد ابني غيرهم ، تخيل من حوالي شهر جنبه كان تعبه جدا وبيتلوى من الالم والدكتور قال زايده ولازم عمليه وتتشال
الواد قالي وهو بيعيط اعملي العمليه وماتسبنيش كده
قولتله ربنا يكرمنا بشوية زباله فيهم كم حتة حديد على كم حتة المونيوم على كم حتة بلاستك نبيعهم ويسهلوا الدنيا شويه
قالي يعني ماينفعش تلاقي فلوس على طول في الزباله وبعد كده تبقى تدور براحتك على حاجه تبيعها
ضحكت وقولتله فلوس في الزباله !! ومين العبيط ده اللي هايرمي فلوس في الزباله
واللهي يابيه ومالكش عليا حلفان ربنا مكسفوش ،
وتاني يوم لقيت ٣٠٠٠ جنيه في كيس اسود ، كنت هاتجنن مكنتش مصدق نفسي
وجريت زي المجنون فرحت الواد وعملتله العمليه
مبروك بقى ولا مش مبروك يابيه
وكل لما احكي لحد يضحك ومايصدقش ، زيك كده دلوقتي وانت الابتسامه ماليه وشك
- رد وقاله بس انا مصدقك
= قاله صحيح يابيه !
- قاله اصل انا العبيط اللي انت قولت عليه اللى رمى الفلوس بالغلط
بدل مايرمي الزباله
كانت عشور مطلعها للغلابه ورايح ادفعهم ، رميت كيس الفلوس ودخلت عليهم بكيس الزباله
ربنا عارف احتياجك ووزعهم بطريقته
هات ابنك يقف معايا يساعدني ، ولو احتجت حاجه عدي عليا ❤️

في ثانيه الصلاة بتتسمع ، والقمامه بتتبدل بفلوس والشر بيتحول خير والهم اللي على قلبك بيتبدل بفرح
والاحتياج اللي انت فيه بيتحول لشبع ، اول ماتقول يارب ❤️