[walaa farouk]

في مرحلة ما في الخمسينات، حصل ان النحاس
اللي كانوا بيطبعوا عليه القروش خلصت،
فاضطروا يطبعوها على حديد نيكل لونه ابيض كدا
ورغم أنه مكانش بنفس الكفاءة لكن كان بيؤدي الغرض
وبينفع يشتروا بيه الطلبات..
ومن ساعتها طلع المَثل بتاع القرش الأبيض
ينفع في اليوم الأسود!
في الأيام الصعبة اللي احنا فيها دي حتى القرش الأبيض
في حاجات ميعرفش يسددها ولا يكون حل من الأساس!
والغريب ان المبادئ اللي بيعلمهالنا الكتاب المقدس
عن التصرف في وقت الازمة ممكن تبان غير منطقية تماما،
لكنها حقيقية ومفيدة للي يصدقها ويجربها!..
في قصة أشباع الجموع (متى 14) التلاميذ مكانش معاهم فلوس
ولا اكل يكفي الناس دي كلها لكن يحكيلنا الكتاب عن
ان في وقت الازمة المادية الكبيرة دي حصل 3 حاجات مهمة
1. العطاء
(جه ولد صغير اعطي التلاميذ كل الاكل اللي معاه
وهو عارف ان الناس بتدور على اكل )

2. الشكر
(ودا اللي عمله الرب يسوع بعد ما اخد الاكل اللي مع الولد)

3.الحكمة
(بعد ما عمل المعجزة واعطى التلاميذ يوزعوا والأكل كفى وزاد،
طلب انهم يجمعوا الكسر الباقية)
واحنا كمان حتى واحنا في ازمة محتاجين نكمل نشكر ربنا
على خيره وعلى كل نعمة مادية بيبعتهالنا بانتظام،
وضروري نكمل ندي ونبارك المحتاج باللي نقدر عليه
علشان دا دورنا تجاه بعض.
وفي نفس الوقت محتاجين نتصرف بحكمة
مع الموارد اللي معانا ونصرفها في مكانها الصح 👌