[walaa farouk]

في ناس الليل بالنسبالهم يعدي عليهم اصعب الذكريات
وناس في الليل يبقوا بيكرسوه للصلاه
وناس في الليل يقولك انا هابتدي يومي
وناس في الليل مطحونه جوه شغل وتعب ومذاكره
وناس في الليل عايشه لمزاجها وبس
وناس في الليل يزيد عليها الوحده
وناس في الليل قاعده في لمه
وناس في الليل علي الرصيف مرميه
وناس في الليل في سرايرهم مرتاحين
وناس في الليل ضحكهم بيعلي
وناس في الليل بكاهم بيزيد
ويفضل الليل ده مع انه ضلمه لكن اكتر حاجه بتبين حقيقه جوانا
حقيقه اللي عايش مالوش حد
وحقيقه اللي عايش محدش حاسس بيه
حقيقه دموعك ووجعك
وحقيقه انانيتي
وحقيقه تعبي ومجهودي
وحقيقه صلاتي
وحقيقه ذكرياتي
وسط كل ده كل دول هايصحوا يشوفوا بعض الصبح
ارحموا بعض .حسوا ببعض،، ماتضغطوش علي حد مش عارف ليل كل واحد كان انهي ليل فيهم
هارجع واقولك ارجوك خلي قلبك بس حاسس وشاعر
مهما كل العيون والقلوب مش شايفه وجعك جوه ليلك
ارجوك خليك قلب يرحم كل واحد مكسور او واقع او الشيطان كسره وهو بيحاول يقوم
خلي نظرتك ليه وسلامك عليه وكلامك معاه يقومه من ليله الحزين لصباح المراحم
انا مش عارف ليلك انهي ليل
بس انا عارف ليل عمري
خلي ليلك فيه كلمه واحده ( اذكرني يارب متي جئت في ملكوتك )