[walaa farouk]

"لِمَاذَا تَنْجَحُ طَرِيقُ الأَشْرَارِ؟
اِطْمَأَنَّ كُلُّ الْغَادِرِينَ غَدْرًا"!" (إر 12: 1)
اية صغيرة بس انا عن نفسي لما بتأمل فيها عنيا بتدمع!!!

إرميا النبي كان بيقوله يارب ليه طرق الاشرار
ومشورتهم بتنجح ليه يارب مديهم مجال اني هما ييجوا علينا
ده مش بس كدا ده الناس الغدارة اللي ملهمش امان اطمنوا واحنا لا !!

تحس ان إرميا كان بيلوم ربنا وبيقوله ليه كدا يارب بقي انا ابنك اللي بصليلك ومليش غيرك يارب وبطلب منك في عز المحنة والألم تسيبني والاشرار تنجح مشورتهم وخططهم ده انا يارب وصلت لاصعب مرحلة ف المحنة والتعب وانت متحركتش ولا حليت حاجة !!

تقوم تبص كدا في لحظة وفي طرفة عين
تلاقي كل حاجة اتحلت ايه ده!!
انت مبتعملش حاجة غير انك تتعجب من طريقته
بقي انت يارب سايبني ده كله بتعذب وبتألم وتيجي تحلها ف ثانية كدا!

وفي الحقيقه هو مش سايبك هو بس بيجربك بيشوفك هتعمل ايه هتتصرف ازاي
وعلي قد التعب بتلاقي الفرحة
( مَنْ يَزْرَعُ بِالشُّحِّ فَبِالشُّحِّ أَيْضًا يَحْصُدُ، وَمَنْ يَزْرَعُ بِالْبَرَكَاتِ
فَبِالْبَرَكَاتِ أَيْضًا يَحْصُدُ)
"إِنَّهُ لاَ يَنْعَسُ وَلاَ يَنَامُ حَافِظُ إِسْرَائِيلَ." (مز 121: 4)
تدبيرك فاق العقول يا الله ♥️♥️