[walaa farouk]

المدهش في يسوع انه طول حياته فضل يعلي بسقف الرجاء للبشرية .

اللي هو لو عندي مرض جسدي زي البرص ينفع أخف منه لما أقابل المسيح أيوة ينفع .

طب لو عندي مرض نفسي زي مجنون كورة الجدريين
ينفع اخف منه لما اقابل المسيح ينفع .

طب لو عندي مرض روحي و مقيد بأرواح شريرة و شياطين ينفع المسيح يحررني .. أيوة ينفع .

طب نعلا بالليڤل شوية لو واحدة زانية
و بالشريعة محكوم عليها بالرجم و نفسها تبدأ من جديد
ينفع مع المسيح .. أيوة ينفع
مش هخلي حد يدينها بس مترجعش تاني .

طب نعلا بالليڤل أكتر واحدة علي علاقة ب ٥ رجالة و بتدور علي قيمتها في العلاقات مع الرجالة .. فيه منها رجا معاك يا يسوع ؟ اه طبعاً و هعمل منها شخصية كارزة مؤثرة عظيمة .

طب نعلا بالليڤل أكتر ناس غلابة مش لاقيين ياكلوا مش معاهم غير ٥ خبزات و سمكتين و ده اقتصاد مجتمعهم ينفع المسيح يكفيهم أه ينفع .

طب نعلا بالليڤل أكتر .. واحد أنكرك و باعك يا يسوع بعد ما كان دراعك اليمين ينفع تاني معاك ؟ أيوة ينفع و راح افتقده
و اداه دور أعلي بكتير من دوره الأولاني .

طب نوصل لليڤل صعب يكون فيه رجاء ..
واحد لص ودي نفسه للتهلكة طول حياته ضياع و خراب و انتهت بيه للاعدام علي الصليب .. و فاضله لحظات و يقابل الموت ..
ده عنده ليك رجاء .. أكيد .
. طالما قلبه عايز يتقابل معايا فمش هخيب ظنه فيّ
و حتي لو مالحقش يقضي معايا وقت علي الأرض
هيقضيه معايا في الفردوس .

ياااااه عجيب أنت يا يسوع يا رجاء كل البشرية .