[walaa farouk]

أجمل ما في الرب يسوع إنه مش بتاع مظاهر
العشارين و الزناة اللي بالمظهر خطاة ووحشين
شاور عليهم و قال الناس دول بيحبوني و هيتغيروا
و هيسبقوا رجال الدين للملكوت .
الست تحط فلسين و الظاهر انها مادتش
يقول هذه السيدة أعطت أكثر من الجميع
أدت من كل قلبها بكل حب .
الكتبة و الفريسيين الظاهر انهم أنقي ناس
شاور عليهم وقالهم انتوا زي القبور بتلمع
بس من جوة كلها عظام نجاسة .
السامرية مشكلتها من برة رجالة عايشة معاهم
لكنه شاور علي اللي جوة قالها فيه جوع و عطش .
لما شفا المفلوج مقالهوش مبروك
لكن قاله خلي بالك لو أخطيت تاني
هيكون اللي جاي أصعب .
لما غفر للزانية
قالهم من منكم بلا خطية فليرجمها بحجر
لكن حذرها مترجعيش للخطية تاني .
كل ده بيوضح قد ايه الرب يسوع المسيح حقيقي جداً مبياخدش بالظاهر من برة
لكن بيشاور علي العمق من جوة و ده أعظم شئ يضمن للي بيعيشوا معاه انهم يكونوا حقيقيين
.. و اللي بيعيش حياة روحية حقيقية هو اللي بيسمح للرب
و المرشد الروحي من وقت للتاني يفضح الهشاشة و الزيف اللي جواه و يواجهه بالحقيقة .
في هذا الاسبوع المبارك
ساعدنا يا يسوع نعالج اللي جوة و نكون حقيقيين معاك ..
ساعدنا نشتغل علي الجزء الخفي اللي انت بس اللي شايفه و عارفه .