[walaa farouk]

- خلاص هاترِجم؟!
- مكنتش حاسة إني مظلومة .. لكن هاترِجم واموت بالبطئ؟!🥺

لحظات مستحيل تتوصف .. مرمية في النص وكلهم ماسكين الحجارة ومستعدين .. أصواتهم العالية بتوصف نجاستي وبتعلن عقابي
.. عيونهم مليانة غضب، إدانة، إهانة، كره ..
مفيش عين واحدة فيها أي رحمة .. مرمية في النص وحدي ..

باللي فاضل فيا من نفس قمت اترجاهم يسيبوني .. 🤲
اترجاهم يسامحوني ..
محدش منهم كان سامعني، محدش شاف إني ينفع أتكلم أصلًا😶..

مقدرتش أقاوم قوتهم وعنفهم .. اترميت بوشي على الأرض واستسلمت ..☹️

لكني سمعت سؤال بيسأل: "الست دي مسكناها وهي بتزني دلوقتي .. وموسي قال إن اللي زي دي تترجم .. أيه رأيك؟"✋

وبصوت غريب كانت الإجابة: "اللي فيكم من غير خطية .. يرميها بأول حجر"🤭

أصوات أعتراض عنيف ودوشة كبيرة كلها عن استحقاقي الموت 😠.. "الزانية حكمها الرجم" ..

لكن فجأة وانا مستنياهم يحدفوني بالحجارة، سمعت صوت الحجارة وهي بتقع من ايديهم 😳.. وأصواتهم بتهدى لحد ما اختفت خالص .. 🤐

خجلانة أرفع وشي وأشوف اللي بيحصل .. بس حسيت براحة وانا سامعة أصواتهم بتبعد .. 😌

لكن بعدها سمعت صوت رجليه بيقرب مني .. خفت .. خفت قوي😧
لقيته مسك ايدي وقومني .. بنظرة أمان وصوت فايض بالرحمة سالني: "في حد دانك؟" 😇
بصيت ورايا يمين وشمال وقلت "لأ"🥺
راح قالي بحب الأب لبنته: "طيب وانا كمان مش بادينك، روحي ومتغلطيش تاني" 🤝💜

وفعلًا مشيت .. بس مشيت وانا واحدة تانية .. 🙌
ده قرب مني ..
مهموش أنا عملت ايه ..
مهموش كلام الناس عني ..
مهموش حتى نظرة الناس ليا🙈 .. اتحدى كل الناس وقرب من واحدة نجسة .. وبكل حنية سامحني وخلاني أسامح نفسي .. 🤝

نظرة عينيه وهو بيقول حكمه عليّ خلقتني من جديد .. كان بيعلن حقيقة واحدة بس "أنا بكره الخطية جدًا، لكن باحب الخاطي حب أبدي" .. 💜
من اللحظة دي بقيت عايشة كل يوم غرقانة في حبه اللي كرهني في الخطية .. ومتعني بعلاقة نقية بتشبعني وبتجمل فيا يوم بعد يوم.😇

مقابلة_مُغَيِّرة🤝