[walaa farouk]

بعد ما لعازر قام من الموت ... كان الخبر بيتذاع في كل القرى ...
إنسان مات وادفن ورجع عاش في بيته عادي جدًا ...
يمكن الناس اللي كانت بتسمع عن القصة
كانت بتستغرب وفي منهم اللى أكيد مكنش مصدق أصلًا.

لكن أهل البيت "مريم و مرثا" كان شعورهم مختلف ...
دول اللي قلبهم اتكسر بجد وحسوا بوجع الموت والفراق
وبعدها رجع ليهم أخوهم..
دول اللي في وقت صعب عليهم، وافتكروا إن يسوع اتخلى عنهم حتى قالوا " لو كنت هنا مكنش أخونا مات" وبعدها داقوا فرحة المعجزة 😍😍
يسوع مش بس طبطب عليهم وقالهم أنا معاكم ... ده اتمجد وقوم لعازر من الموت 💜

في يوحنا ١٢ بيحكي إن يسوع كان في بيتهم بعد ما لعازر قام ...
وبيحكي إن مريم .. جريت جابت الطيب الناردين اللي يمكن أغلى حاجة مادية عندها وكسرته ومسحت رجل يسوع ...
وتكمل إنها بشعرها "تاج كل بنت" 👑 ومسحت رجليه بيه ...

الموجودين استغربوا يمكن كمان حسوا تبذير ...
لكن هى كان فارق معاها إكرام يسوع ...🙌

يوم ما تقابل يسوع وتحصل معاك المعجزة الخاصة بيك إنت ...
هتلاقي فعلًا تصرفاتك مختلفة 😍
هتلاقي فعلًا مش فارق معاك حد غيره 😍

لما نركز في كم إحسانات ومعجزات الله في حياتنا ..
هنعرف نكرمه بكل حاجة فى ايدينا💜

مقابلة_مُغَيِّرة🤝