[walaa farouk]

من حبة سنين في شهر ٤ كنت متحمسة قوي لما كملت ٢١ سنة "
مش عارفة ليه الأوفر ده .. بس غالباً سن الرشد وكدة😂"
فى نفس الوقت كنت قلقانة جدًا وخايفة من تحديات كتير كانت كبيرة على سني ... وكنت بصلي ربنا يدينى سلام .
.. أو يقولي أنه معايا بشكل مختلف ....
وصليت صلاة فعلًا غريبة ...
طلبت إن الدينا تمطر ودي هديتى يارب ...

وقتها كان غريب لبسنا نص كم والجو ربيع وبديع ..
. لكن قبل ما أنام الدنيا مطرت فعلًا 😍😍
كانت فرحة مش هنساها فعلًا
طفلة عندها ٢١ سنة 😂😂
بس فرحت قوي إن الله بنفسه رد عليا😍

النهاردة وقفت قدام آية فى زكريا ١٠ عدد ١ "اُطْلُبُوا مِنَ الرَّبِّ الْمَطَرَ فِي أَوَانِ الْمَطَرِ الْمُتَأَخِّرِ"
افتكرت قوي مشهد عيد ميلادي ده

أكتشفت إني كبرت لدرجة إني فقدت إيمان الأطفال لما دخلت أكتر في تحديات الحياة.
لما بقيت أحسبها بالورقة والقلم ورافضة قبول أي شئ مش في الخطة
لما بقي كلامي عن ربنا والإيمان خاص بوقت خدمتي
.. بقوله ومش حاسه بيه
لما أضغط لدرجة إني بطلت أصلي وأطلب بلجاجة

الآية وقفتني إن فى فعلًا متعة في طلب أي حاجة حتى لو مش فى أوانها،، متعة أنه سامع وبيرد 💜
صلاة علشان يولد طفل بعد سنين حرمان
صلاة علشان شغل رغم المشاكل والأحداث
صلاة إنى أنجح من تاني وماستسلمش لفشل
صلاة فى دخول علاقات جديدة رغم كل علاقة فاشلة وجعتني
صلاة شفاء بعد سنين تعب ووجع

صلي النهاردة علشان مطرك الخاص بيك
وصدق بإيمان إنك هتشوف معجزة 💜🤍