[walaa farouk]

الأسد ، الملك نفسه عزيزة .. شوف مشيته ،
تلاقيه دايما رافع راسه لفوق ، عالي و غالي ..
نظراته كلها هيبة و كرامة و قوة ..

حتي زعله ، زعل الملوك .. لما يتجرح في المعركة ، تلاقيه ياخد جنب لوحده في حتة بعيدة ، و يقعد يلعق جرحه من غير ما حد يشوفه
؛ بيداري وجعه علشان يفضل قدام نفسه
و قدام الكل ملك حتي و هو مجروح ..
و لما يخف ، يرجع لمملكته بنفس العزة و الكرامة رافع راسه
و دايس علي وجعه و مخبيه ورا قلبه ..

فيه ناس لما تزعل تغضب و تنهار و تتعارك ،
و فيه ناس تعاتب و توجع و تتوجع ..
و فيه ناس اسود، ملوك ، حتي في زعلهم ،
يرسموا بسمة علي قلبهم الموجوع ،
و يداروا زعلهم ورا ضحكتهم
، و ما يطلعوش كلمة تقلل منهم او تقل منهم او من حد
، و ما يبينوش ضعفهم ..

يختفوا و ينسحبوا و يداووا جراحهم
من غير ما حد يشوف علشان يظلوا ملوك امام أنفسهم و امام الناس ..

الاسد وجعه اعظم من اي وصف ، زعله كبير قوي علي قد مكانته ،
كان نفسه يبقي زي اي واحد يبكي و يشكي و يعبر و يفسر
، كان نفسه يرتاح و يفضفض زي غيره
، لكن قدره ان الاسد يكمل "ملك حتي في الزعل" ..