[walaa farouk]

في لحظه دلوقتي جات عيني علي صور الصليب اللي ماليا الفيسبوك
بس لقيت سؤال جوايا معرفش ايه ربطته بالصليب
لقيت الواحد بيسال نفسه وهو مُجهد وحامل اكتر من صليب
( هو انت مستني ايه ؟ ومستني ليه؟ )
وبصيت تاني علي الصليب ولقيت سؤال تالت
( هدفك الرئيسي فين؟)
معرفش بس كل واحد عنده اجابه للاسئله دي
في ناس مستنيه سؤال
وناس مستنيه اجابه
وناس مستنيه فرحه
وناس مستنيه يشوفوا حقهم
وناس مستنيه اليوم اللي ربنا يريحهم من اتعابهم وتنتهي فكره الانتظار عموما
وناس تقول انا مستني ليه ؟
علشان ارتاح
علشان لو في مكانهم اكيد هاقول كذا واعمل كذا
علشان متوقع دايما الحب والرحمه والتقدير
علشان حاجات كتير
فاللي ينهي كل الاجابات دي سؤال (هدفك ايه)
في البدايه كان هدفي احمل صليبي واتبعك
الهدف اني ماشي وراك وشايل
فسألني السؤال الاخير
(وقفت ليه ماتكمل هدفك)
يمكن استنيت فاتخذلت
يمكن توقعت فاتصدمت
يمكن نسيت فتوهت
لكن اللي اعرفه ان صليبك نيره هين وحمله خفيف
فيجي ربنا يقولك كلمتين مالهمش تالت
(كمل وانت شايل وخلي عينك عليا واستني كل حاجه مني وأتأكد انك وانت شايل انا شايلك وشايل الشيله كمان. كمل هدفك اللي انت خرجت علشانه )
وينتهي الحوار والاسئله بنفس عميق يخرج منك وتقوله ساعدني