الموضوع: استويت ولا لسه
عرض مشاركة واحدة
  رقم المشاركة : ( 1 )  
قديم 05 - 03 - 2022, 09:26 PM
الصورة الرمزية walaa farouk
 
walaa farouk Female
..::| الإدارة العامة |::..
الأوسمة و جوائز
بينات الاتصال بالعضو
اخر مواضيع العضو
  walaa farouk غير متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 376,226
افتراضي استويت ولا لسه
استويت ولا لسه


لما بتحب تاكل نوع معين من الفاكهة..
بتدور على الفاكهة اللي شكلها حلو من برة...
وكتير بنعتقد إن حلاوة الشكل الخارجي
بيضمن لنا حلاوة الطعم...
لكن للأسف كتير شكل الفاكهة الحلو بيخدعنا..
ولما بندوقها بنلاقي طعمها مش أحسن حاجة..
وغالباً ده بيحصل لأن الناس قطفت الفاكهة دي
من الشجر قبل ما تستوي...
وده نفس اللي بيحصل مع البشر..
لما بندخل في علاقة زواج قبل ما ننضج نفسياً وروحياً،
العلاقة دي بيكون محكوم عليها بالفشل بدري...
وده لأن النضوج شرط أساسي جداً
قبل الدخول في علاقة مع حد تاني...
والنضوج ده بيكون ليه علامات كتير، منها...
معرفة نفسي على حقيقتها...
يعني أقدر أشوف عيوبي ومميزاتي...
وعارف هدفي في الحياة كويس...
وعندي حلم في الحياة بسعى إني أحققه...
ولازم كمان يكون عندي القدرة
على قيادة مشاعري بشكل متزن...
ومسيبش مشاعري هي اللي تقودني في قراراتي...
وده اللي بيقوله الكتاب المقدس...
"مَالِكُ رُوحِهِ خَيْرٌ مِمَّنْ يَأْخُذُ مَدِينَةً” (أم16: 32)
وأهم علامة من علامات النضوج
هي علاقة حقيقية مع الله...
الله هو اللي خلقك وصنعك...
وهو اللي في ايده مفاتيح لحياتك...
وهو اللي يقدر يخليك شخص أفضل...
ونتيجة لكده تقدر تختار اختيار صحيح في الزواج...
قرار الزواج قرار مهم جداً،
يمكن يكون أهم قرار في الحياة كلها...
علشان كده محتاج قبل ما تاخده
تسأل نفسك سؤال مهم...
يا ترى أنا استويت ولا لسة..؟!
وياترى الشخص اللي هرتبط بيه
هو كمان استوى ولا لسة..؟!

رد مع اقتباس