[walaa farouk]

عايزك تفكر و تتأمل في الصورتين كويس ..
فكرت و إتأملت ، فيه فجوة كبيرة شايفها بين الصورتين ؟ صح .. ده طبيعي و دي طبيعة العالم اللي بنعيش فيه ..
بعيون العالم فيه فرق و فرق شاسع و كبير أوي .

لكن عايز أخدك لواقع تاني خالص
بالنسبة لربنا مفيش فرق بين الاتنين .. تصدق ؟
الاتنين عند ربنا في اليوم الأخير
هيتحاسبوا بنفس الميزان

في سفر الأمثال اية عظيمة بتقول :
" لأَنَّ طُرُقَ الإِنْسَانِ أَمَامَ عَيْنَيِ الرَّبِّ، وَهُوَ يَزِنُ كُلَّ سُبُلِهِ."
(أمثال 5: 21). "

يعني ربنا بنفس الوزن بيوزن دوافع كل شخص و نيات كل شخص
.. و كل تفصيلة في قلب كل شخص ..

اللي شايفه العالم ، غير اللي شايفه ربنا .

ده يخلينا نقول مع داود
" اخْتَبِرْنِي يَا اَللهُ وَاعْرِفْ قَلْبِي. امْتَحِنِّي وَاعْرِفْ أَفْكَارِي.
وَانْظُرْ إِنْ كَانَ فِيَّ طَرِيقٌ بَاطِلٌ، وَاهْدِنِي طَرِيقًا أَبَدِيًّا.
(مزمور ١٣٩)

يعني شوف اللي مش عاجبك في قلبي و طرقي و شاور لي عليه و ساعدني أغيره بطريق علي قلبك

أعظم رئيس هيتحاسب بنفس مكيال أفقر شخص ..
إحمينا يارب من غرورنا و كبريائنا و اننا نفتكر نفسنا
لنا أفضلية بحسب منصبنا أو شهرتنا او مركزنا .. امين