[walaa farouk]

تعرف كده لما تكون حاسس بالظلم
وتقول لنفسك آه لو تيجيلي فرصة أطلع فيها اللي جوايا ده
فلان ده غلط فيا وقدام الناس 😥
ضايقني جداً 😡
واللي ضايقني أكتر إني ساعتها معرفتش آخد حقي 🤬
كنت مستنيله غلطة علشان افضحه واطلعه غلطان واتشفى فيه قدام نفس الناس
ايوه ساعتها معرفتش لكن دلوقتي قدامي فرصة هاردهاله وواحدة بواحدة بقى
يمكن يكون حصل لك موقف زي ده أو اتحطيت في نفس الظروف.... بس الفكرة ايه طريقة رد فعلك؟ 🤔
فيه مرة جربت ترد الإساءة بالخير وتسيب رد الحق والإنتقام لله ؟
أكيد هيكون فيه غضب لكن لما بندي المساحة لغضب صاحب العدل هو بيرد الحق والمسلوب بأحلى وأفضل طريقة
وعايز أقولك أن أفضل طريقة ترد على الشر بالخير لأنك بكده كأنك بتحط فوق رأس عدوك جمر نار ملتهب مش معنى كده أنك بتحرقه😅 لا خالص!! المقصود أن بعملك ده هتخجله وتخليه يحس بندم أنه غلط فيك.
إقرأ معايا كده (رومية ١٢: ١٧-٢١)
لَا تُجَازُوا أحَدًا عَنِ الشَّرِّ بِشَرٍّ، ..... لَا تَنْتَقِمُوا لِأنفُسِكُمْ أيُّهَا الإخْوَةُ، بَلِ أفْسِحُوا مَجَالًا لِغَضَبِ اللهِ، لِأنَّهُ مَكْتُوبٌ: «يَقُولُ الرَّبُّ: ‹لِيَ الانْتِقَامُ، وَأنَا الَّذِي سَيُجَازِي.›» بَلْ … «إنْ جَاعَ عَدُوُّكَ، فَأطعِمْهُ. وَإنْ عَطِشَ، فَأعْطِهِ لِيَشْرَبَ. فَكَأنَّكَ بِهَذَا تَضَعُ جَمرًا مُلتَهِبًا عَلَى رَأسِهِ!»
فَلَا تَدَعِ الشَّرَّ يَهْزِمُكَ، بَلِ اهزِمِ الشَّرَّ بِالخَيْرِ.