13 - 02 - 2022, 04:07 PM
|
|
|
|
..::| الإدارة العامة |::..
|
|
|
|
|
|
لاقيت إبني اللي عنده ٤ سنين بيردد شتيمة معينة…
إنزعجت وكل شوية اتكلم معاه وافكر مع نفسي هو جاب الشتيمة دي منين؟!
وانه اكيد لقطها من حد🙆♀️
وسألته: ياحبيبي سمعت مين بيقول الكلمة دي ؟!
واجابته صدمتني…. قالي إنتي ياماما🤭
أنا!!😳 معقول
حقيقي اتصدمت وقعدت افكر مع نفسي أنا بشتم؟! 🤷♀️
وكنت أول مرة أركز إني فعلاً لما بتعصب مع ابنى باشتم…
آه من غير ماأقصد … لكن النتيجة إني باقول كلمة مش بتليق…
ووقتها عملت ٣ حاجات
١. قولت يارب سامحني لأني بغلط وبقول كلام مايلقش…
٢. قولت لإبني أسفة واننا لازم نتعلم سوا مانقولش كدة تاني…
٣. بقيت بركز في كلامي كله وأجتهد اني اوقفها …
ضبط النفس مش سهل حتى لو الحاجة صغيرة وبسيطة… بياخد وقت ومجهود … بس النتيجة أكييد هتفرحنى وتفرح إلهي … بعافر ولسة مكملة💪
انت كمان ياصديقي فكر كدة في كلامك وامتحن نفسك…💜
|