[walaa farouk]

شوفت مشهد من مسلسل كده اسمه ( البحث عن علا) ياريت تتابعوه
فكره المسلسل عن الاختيار الصح وعن الشخصيه وتحديد هدف للحياه وحاجات كتير كده
بس المهم في مشهد سمعته بعد ما جوزها طلقها وكان وقت صعب عليها
لما سابها تواجه الحياه فجاءه لوحدها وكان كل الوقت لوم ونقد فيها وبس انها كلها اخطاء
لكن جه يوم وتعب وهي وقفت جنبه فقعد معاها وبيقولها تعالي نرجع تاني ونكمل من جديد
راحت قالتله جمله هي دي اللي وقفت عندها
( قالتله لا انا مش فندق تعمل فيه check out لما تحب وتيجي تعمل check in وقت ماتحب )
الجمله دي سرحت فيها اوي ، هو فعلا في ناس في حياتنا بتعمل معانا كده ؟
افرحك بمزاجي وازعلك بمزاجي
احتاجك بمزاجي ارفضك بمزاجي
هو في ناس معيشانا فعلا علي مزاجهم؟
بس هنا عُلا رفضت برغم انها محتاجه .محتاجه مساعده منه لولادها
.محتاجه يبقي شكلها في المجتمع كويس بوجوده
حد يتحمل المسئوليه مش مامته ممشياه بدماغها
،محتاجه حاجات كتير اوي
بس قررت انها تختار شخصيتها مكان احتياجها
ورفضت ان قلبها يبقي مجرد فندق حد يخش فيه يفرحه زي ماهو عاوز
ويخرج منه لما يزهق ويرجع تاني يخشه لما يحب يعدل مزاجه
المشهد ده خلاني اقول ليه نخلي قلوبنا زي الفندق الناس تخش
وتخرج بمزاجها وكل واحد حسب بمزاجه يعيشني
. ليه حد يقولي انهارده عاوزه اطلع احتياجي عندك
بس بكره مش عاوز اطلع احتياجي فيك
فانت بالنسبالي ولا حاجه لا وممكن كمان الومك بس لما هاعوزك
هارجع اديلك قيمتك مش علشان مقتنع بيك لكن علشان بس انا عاوزك ومزاجي عاوز كده
ارفض ان قلبك يبقي مجرد فندق