06 - 02 - 2022, 11:22 PM
|
|
|
|
..::| الإدارة العامة |::..
|
|
|
|
|
|
الاكل و العلاقات .. د.مجدي إسحق
ناس "لب" : تتسلي بيك ، و تاخد مصلحتها ، و ترمي اللي اتبقي منك..
و ناس "لوز او جوز" : قشرتها حجر ، تصطدم بيها في الاول كام مرة ،
و لو صبرت و طولت بالك تاخد منها فايدة كبيرة ..
و ناس "سمنة" ، مفيدة، بس تقيلة في الهضم و تقيلة في القعدة و تقيلة في العشرة
، و كترها يجيب سمنة و كولسترول !!
و ناس "خيار" ، طعمها واقف ، تفيد في الدايت ، تنفع بس في الجوع،
بس لو كترت منها تجيب لك وجع القولون !
و ناس "مية" ، مالهاش طعم من وجهة نظرك ، إنما مفيدة و مروية، و تنعش حياتك ..
و ناس "شطة" : تحرق لسانك و بطنك، و مالهاش فايدة و لا لزمة
، بس تروح لها لانك "غاوي وجع" ، و عاي رأي المثل "القط يحب خنّاقه" ..
و ناس زي "الاكل اللي بيتباع في الشارع" من غير رقابة ،
ما تعرفلوش معمول من ايه و لا أصله ايه ، طعمه يجنن ، بس يجيب العيا ..
و ناس "توم" ، منين ما تتكلم "الريحة تبان" ، كلام دبش و لسان حجر..
و ناس طعمها مظبوط و ملحها مظبوط ، موزونة و متوازنة ، تكيفك و تشرفك
و تزود علي عقلك عقل تاني ..
و ناس زى العسل ، كلامها حلو و عشرتها احلي ، و كلها فوايد ..
يا تري تعرف مين من دول ؟؟
|