[Mary Naeem]

كبرت وعرفت..

-ان مشوار الألف ميل يبدأ بمطب..
-ان واجب العزا اهم 100 مرة من واجب الفرح..
-ان افضل حماية للإنسان هى التوقع، فى اى وقت ومن اى شخص مهما كانت مكانته..
-ان الصغير مبقاش يحترم الكبير
-ان قيمتك الحقيقية في التخلي عن اللي ميقدرهااااش
-ان الاهتمام بيساعد جدا على علاج الاكتئاب بس مع مين مع الناس #الصح الصح جداا
-انك متحطش نفسك في قلة قيمة يعني متخليش نفسك تحت امر حد لمجرد انه هينفعك بمعلومة او مساعدة
ف يلعب بيك ويستهزء بيك يوم يساعد ويوم لأ يعني لما يجيلة مزاجة لا اوعي تحط نفسك في الموقف ده مؤلم جدا
-ان عمل اى حاجة احسن من الولا حاجة..
-ان كل الناس بتكدب ، بس بدرجات متفاوتة..
-ان العشم وحش .. #وحش_جدا..
-ان اللى بيقللوا العتاب ويساحموا ب لفت نظر ناس عظيمة..
-ان مش شرط اللى اكبر منك بيوم يعرف عنك بسنة..
-ان اللى بيفوت مابيموتش..
-ان البحر مش بيحب الزيادة ، لأن الطمع بيقل ما جمع..
-ان الناس على اشكالها تقع..
-ان الحب عطاء مش استجداء..
-ان الاب والام نعمة مابنحسش بقيمتها الا لما يروحوا، وبعدهم كسرة..
-ان كل بنت ملكة جمال فى عين واحد ربنا كاتبه ليها..
-ان اللى بينادوا بالمثالية هما اكتر ناس مفتقدين للمبادئ..
-ان التجارب الكتير بتساعد عالنمو اكتر من شرب اللبن..
-ان مفيش حد بيفضل حلو دايما ، ولا حد بيفضل وحش دايما
-ان الغريب ممكن يكون اقربلك من القريب سبحان الله
-ان مركب ب ريس واحد هتغرق بردو لو كان غبى..
-ان العند فى اى علاقة بيدمرها ، ومهما حصل ماتحاولش تخلى شكل الطرف التانى وحش قدام اى مخلوق..
-ان الابهات والامهات عندهم قاعدة كدة بتقول "ماينفعش ان كلام عيالنا هو اللى يطلع صح" وإحنا لازم نتفهم دة..
-ان البيوت كلها فيها مشاكل بس الفرق ف مين بيعدى و بيفوت ومين لا..
-ان كتر العتاب بيزود البرود..
-ان اللى بيقدر يكون نفسه فى المجتمع دة يستحق جايزة..
-ان فيه ناس بتهتم مرحلة ، و ناس بتهتم مصلحة ، و ناس بتهتم بحثا عن اهتمام متبادل فقط..
-ان مبدأ واحدة بواحدة هو اساس خراب اى علاقة..

كبرت وعرفت انى لسه معرفتش اي بتنجان اسود