[walaa farouk]

الروح القدس ليه طريقته
▪︎: اقرأ الإنجيل فياخد قلبي ويقوم راسم لي من خلال الاصحاح الشكل
اللي المفروض أعيش بيه ويقولي: "ادي طريق الوصايا يا ابني .."
▪︎ممكن من خلال كتاب روحي هو بتدبيره يحطه ف ايديا، امسك كده سيرة قديس واقرا وأقف وأقول :
"ما هو الناس بتعيش اهاه !!! ادي الحاجات الحلوة !! ليه أنا كده خيبان ؟!! "
ودموعي تنزل وأرفض وأندم في التراب (حركة التوبة العميقة) عشان انسلخ واتحول.
▪︎[[طالما أنا مش رافض وضعي الراهن مش هأتحول منه]]
هأقول بس من السطح: "يا سلام يارب ادينا اوعدنا"
وهو في اعماقه بيقول: "فين احنا وفين ؟! ، دا مش لينا"
▪︎لازم اسيب الكلمة تنخسني .. عشان لما تنخسني اكره نفسي الكره الإيجابي مش السلبي،
ارفض واقول : ما كفاياني .. "استيقظ ايها النائم" .
. وكل ما ارفض نفسي اتفك و انسلخ من الحاجات المتغلغلة فيّ وبتاكل عمري أكل.
▪︎[[[الروح القدس لما يلاقيني تجاوبت معاه وكرهت نفسي .
. يبدأ يعمل عمل باطني غير مُدرك بالعقل لكنه حقيقي،
حاجة جوايا تحصل أنا مشوفهاش، ويمكن تاني يوم ألقي نفسي قمت عادي،
بس في شيء جوايا مش عادي فوق العادي لأن روح الله القدوس غيرني وعنده المودل؛
صورة المسيح. يفتح عيني فأشوف نفسي وارفضها، وأشوف مسيحي فانجذب له.]]]

الروح_القدس الكلمة