[بشرى النهيسى]

في مرة ابونا بولس الانبا بيشوي حصلت له حادثه كبيرة واتدغدغ بسببها
وراح البابا شنودة يزوره في المستشفى
فابونا بيقوله صليلي عشان باتألم جامد ياسيدنا
و بسمع كلام اني هاقعد في الجبس كتير
فراح البابا طبطب عليه و قاله
اهم حاجه نفسيتك و ارادتك عاملين ايه !
فقاله لا دول بزيارتك بقوا في السما
فقاله يبقي حمد الله علي السلامه

فعلا الراحة النفسية اهم مليون مرة من الغنى والصحة
ممكن تبقى فقير بس مرتاح نفسياً
ممكن تبقى مريض بس مرتاح نفسياً
ربنا يعطيكم جميعا راحة نفسية تصبركم على اي اوجاع