[walaa farouk]

الحلو بزيادة .
هو كده، سكره زيادة ، جميل في كل شيء وكل وقت ..

حسه حلو لو اتكلم ، و تعبيراته حلوة منين ما يعبر ،
و روحه حلوة منين ما يروح ، و معاملاته حلوة في اي تصرف..

سيرته حلوة كل ما نفتكره ، و ذكرياتنا معاه كلها امل و رجاء و ابتسام و ضحك ..
حتي في تعبه حلو و ما يحبش يتعب حد و لو بشكوي صغيرة ،
رقيق في طلباته ، كثير الأدب في مفرداته..

حتي في غضبه "يهوش بعصاية العز و لا يجرحش ".
في عتابه حتة سكر و في غيابه نفتكره اكتر ..

الحلو بزيادة ده جاي من السما و جايبها معاه في ايده ؛
منور لان قلبه منور بالبركة ..
هو سر جمال الدنيا اللي بيديها طعم و روح و جمال ؛
ربنا جعله لخير الناس و لاسعادهم و تخفيف اوجاعهم .

يا بختك لو كنت منهم ، او حتي لو عرفت واحد منهم .