[بشرى النهيسى]

{مريم أم الغلابة : بلسم يشفي التعابى
قدام الله تملي : صلواتها مستجابة}
1 :-يا بتول زادت علينا : أحزاننا و اتحنينا
تحت حمولنا و بقينا : في هموم متقيدين
ويا أم يسوع فادينا : بشافعتك صلي لينا
عايزين معونة لينا : لحنانك محتاجين
{مريم أم الغلابة : بلسم يشفي التعابة
قدام الله تملي : صلواتها مستجابة}
2 :-الليل بيغيب نهاره : و القلب يزيد مراره
و النور طال انتظاره : يا مريم تعبانين
ابليس بشباكة صابحة : و لكل دقيقة صدمة
أمور الله قصادنا : و عنينا مغمضين
{مريم أم الغلابة : بلسم يشفي التعابة
قدام الله تملي : صلواتها مستجابة}
3 :-العالم بيحاربنا : و من الشر تعبنا
و من الدنيا شربنا : و لسة عطشانين
ده يسوع فاتح بيبانه : صلي لينا ندوق سلامه
يروي قلوبنا بحنانه : و يهدي الحيرانين
{مريم أم الغلابة : بلسم يشفي التعابة
قدام الله تملي : صلواتها مستجابة}