21 - 12 - 2021, 07:32 PM
|
|
|
|
..::| الإدارة العامة |::..
|
|
|
|
|
|
اللي نعرفه عن الرعاة
اللي في قصة ميلاد الرب يسوع،
أنهم ناس بسيطة ويمكن مستوى تعليمهم كمان بسيط
أو حتى مافيش خالص، وحتى مستواهم المادي كمان
مكانش كويس أوي، وكان غريب جدا إن الله
يبعتلهم ملايكة من السماء علشان يقولولهم أن المسيح أتولد،
كان ممكن أي حد يقولهم ويبلغهم عادي!!..
بس لو أنا مكانهم الحقيقة مكنتش هصدق
أي حد يقولي معلومات غالية ومهمة زي دي،
لكن في نفس الوقت مكنتش هتخيل خالص إن الله بجلالته
وعظمته ممكن يهتم يبعتلي ملاك ليا انا مخصوص
يبلغني باللي حصل دا..
لكنه عملها مع الرعاة علشان كدا كانوا خايفين
ومتعجبين من الخبر نفسه ومن إن الملايكة تجيلهم هما!!
لكن هو دا ربنا كل فئات الناس غاليين عليه ❤
ومهتم بيهم شخصيا ومستعد يعمل اي حاجة
علشان يوصلهم الأخبار اللي هتغير حياتهم للأفضل فعلا.
|