[بشرى النهيسى]

-أجيب لك ايه و انا جاي؟..
=هات لى مخدة احط عليها راسى انام
هات لى قلب يزعل بس يصفى قوام
هات لى ساعة راحة بال وحبة فرح ولو بريال
وهات اقفال اقفل بيها باب الحزن
و هات م الحب مليون حضن
و هات لى معاك شوية صبر
و هات لى للخواطر جبر
هاتلى أمان وضحكة طالعة باطمئنان
اقولك علشان ما تتلخبطش ..
هات لي العمر من الأول
وهات حبايبنا من تاني وهات الجيرة والصحبة
وهات قلب مايسودش وعيون جميلة ماتحسدش وعيش وملح ما يتخانش


مما أعجبنى