[walaa farouk]

مفيش حاجة بنعملها مفيش وراها سبب…
من أهيف حاجات لأكبر حاجات كل حاجة وراها سبب!😎
سواء رضيت أو مرضتش في سبب وراها لازم تقف قدامه وتعترف بيه…
عشان كدة من وقت قررت من فترة للتانية أمارس تدريب كدة أسمه "فحص الدوافع"🤔
إني أفكر في اللي بعمله وأقول لنفسي يا ترى أنا عملته ليه وأمتحن ده…
تخيل معايا لو كلنا عملنا ده 😉

وأفضل وقت تعمل فيه ده في وقتين:
١- عند نهاية كل يوم أو بعد ما تخلص وتنجز حاجة
٢- أو العكس قبل ما تبدأ حاجة أو قبل ما تكتب بوست أو قبل ما تعمل مكالمة أو أو أو …

وعشان الكلام ميكونش في المُطلق هقترح عليك تعمله كالآتي لو أول مرة هتعمله…

الحاجة الأولانية فكر خلال السنة اللي فاتت اللي خلصت دي في قرار كبير أخدته وأقعد فكر وصلي وأفحص سبب ليه عملت ده؟ وتفكر في القرار ده أخدته ليه؟ وعشان أيه؟ وفكر كويس وبالورقة والقلم📝
نفس الكلام ممكن تكرره مع موقف بسيط خلص وعملته من أسبوع بس!

الحاجة التانية راجع قرار بتفكر تعمله الوقت الجاي أو فكرة عايز تتحرك ليها الأسبوع الجاي أو خلال الأيام الجاية أو يمكن النهاردة وفكر بتعمل ده ليه وعشان أيه!

من سنتين إبتديت أعمل ده بصورة منتظمة في النوتة الروحية بتاعتي يومياً ومش متصورين ده فرق معايا قد أيه
أشجعك تعملها وتبتدي ✍️💪