01 - 12 - 2021, 08:06 PM
|
|
|
|
..::| الإدارة العامة |::..
|
|
|
|
|
|
يوم ناداني واحد من الصنايعية علشان اشوف الشغل اللى خلصه في الحيطان ..
كنت انا وقتها بكنس التكعيبة ومهيئة نفسي اني اسقى العنباية
.. لقيت الراجل بيقوللي في وسط الكلام خلي بالك ياتاسوني في شهر ديسمبر ويناير بنصوم العنب ..
قلت له: يعني ايه ؟؟
قاللي مش بنسقيها مية خالص وبنعتمد على المطر بس هو اللي يسقيها علشان متعفنش التربة من كتر المية ..
قلت في سري
العنب زينا بالظبط بيصوم معانا ديسمبر ويناير عن الاكل والخطية وبيبص بس على السماء علشان هي اللي هتكون
بس مصدر شبعه وغناه ..
فهمتوا ليه ربنا شبهنا بالكرمة ..
الكرمة فيه وقت بتحتاج فيه للصوم
علشان لو افرطت في المية والاكل هتعفن ..
الصيام حلو .. بيخلينا نستني السماء وبس
|