[walaa farouk]

هو انت علي طول متأخر كده يارب
الرب : انا متاخرتش قبل كده ، ده انا مواعيدى مظبوطة
انا : متأخرتش !!! 💔
اومال روحت لتلاميذك ليه في آخر الليل وانت عارف انهم خلاص تعبوا ويأسوا ومحتاجين السمك .
روحت لعازر بعد 3 أيام لما انتن .
افتكرت شاول لما ضيع نص عمره بيقتل في ولادك .
وغيرهم كتير اوي ..
إبراهيم اعطيته ابن شيخوخة ..
واليصابات اعطيتها يوحنا لما عجزت ..
كل دول وتقول متأخرتش .. !!!!
الرب : لا متاخرتش ...انا استجبت في الوقت المناسب
لخيرهم وصالحهم بالثانيه .
ربنا:
عارف .. يمكن لو متأخرنش على تلاميذى مكانش ايمانهم بقي اقوي .. ولا كانوا هيفرحوا نفس الفرحه دي .
انت عارف ان انا حزنت علي لعازر ده كان صاحبي واخويا .
لو كنت استجابت لإبراهيم من اول يوم مكنش هيتعلم الطاعه ويبقي ابوا الاباء ..
اليصابات وذكريا كانوا ماسكين فيا وعمرهم ما فقدوا الثقه فيا ...ودي عندي كان اهم من اعطيهم يوحنا .. ولما اعطيتهم اعطيتهم اعظم مواليد النساء .

كل اللي صبر ياحبيبي الي المنتهي .. انا عوضته اضعاف اضعاف ما كان منتظر او متوقع .🙏
هي الفكره يا حبيبي انكوا بتبقوا واحشني اوي ونفسي تفضلوا معايا ونتكلم واسمع صوتكوا .. انت أما حد يكون غالى عليك مش بتحب تسمع صوته!
طب اشمعنا انا لما اعمل كده تقولي اني مش مهتم وبتأخر !!!
انا : سكت ❤️

ربنا صالح للكل وفي كل وقت .
انتظر بصبر عطايا الله
#سيستجيب