14 - 11 - 2021, 12:42 PM
|
|
|
|
..::| الإدارة العامة |::..
|
|
|
|
|
|
لما بيكون في مشاعر رومانسية
من شخص ناحية شخص تاني
وهو مش بيبادله نفس المشاعر
غالبًا بنسمي ده "تعلق"، أما لو بقيت المشاعر متبادلة
وبسببها بقي في علاقة بتتبني على مستوى الفكر
والتفاعل هنا بس بنقدر نسمي دي "علاقة"
في علاقتنا مع الله كمان مشاعرنا ناحيته
مش كفاية تقول إننا عندنا علاقة شخصية معاه،
ولا حتى أنشطتتنا ولا ممارساتنا الروحية الموجهة ليه
كافية علشان تبني علاقتنا بيه..
لكن العلاقة الحقيقية ليها أساسات مهمة
ضروري تكون موجودة علشان نسميها علاقة
زي الصلاة اللي أرواحنا ونفوسنا بتتلاقى فيها مع الله،
وزي قراءة الكتاب المقدس اللي بيجدد ذهننا
وبينقي أفكارنا وبيصحح مفاهيمنا عن الله
وعن صفاته .. وبالتالي بيعَمق علاقتنا الحقيقية مع الله.
|