[walaa farouk]

بعد ما فكرت و حاولت و دخت ح احط المشكلة بين ايديه ، ح ارميها من قلبي بين ايديه و انا مطمن ان "كل اللي يجيبه خير و بركة و سلام" ..

ح اخش انام جنب بطرس في السجن و انا مطمن لأي نتيجة (اعمال ١٢) : انت أمرت هيرودس الملك انه ينهي حياتي يبقي ح تبعت لي ملاك علشان أبيت في السماء مع يعقوب الرسول و استفانوس رئيس الشمامسة ..
و لو عاوزني اكمل رسالتي لسه ، يبقي ح تبعت لي ملاك من عندك يخرجني ، و ح أبيت في العلية مع بقية اخواتي التلاميذ ..

في الحاتين ح اتمم طلبك يارب اني لما ارجع اثبتهم (يوحنا ٢١) ، يا في السماء اكلمك عنهم ، يا في الارض اكلمهم عنك !!

إنما أنا داخل انام ..
و لما ييجي الملاك يصحيني ، ح اسيبه يمشي قدامي ، و ح الاقي الابواب المغلقة تفتح لوحدها" و اتيا الي بَابِ الْحَدِيدِ الَّذِي يُؤَدِّي إِلَى الْمَدِينَةِ، فَانْفَتَحَ لَهُمَا مِنْ ذاته (أعمال الرسل ١٢: ١٠) ..

بعد ما اصلي انا داخل انام و انا عارف ان كل اللي قالقني انت حاسبه و مرتبه ، و ان اي حل احلي من اللي في حساباتي ..

!!