[souad jaalouk]

زوّادة لكلّ يوم : الزّهرة الصّفرا

بيخبرو عن زهرة بجنينة. هونيك كل الوردات حمر الا هيّي صفرا. ما كانو يحبّوها و لا يحكو معها و الكل يدل عليها. اجو ناس يزورو الجنينة ما لفتلُن نظَرُن غيرها لأنها مش متل الكل!
الزوّادة اليوم لفتة لضحايا التمييز حسب لون البشرة وين ما كانو بالعالم و خصوصًا بلبنان. منقلّن: انتو حلوين كيف ما كنتو، انتو خلقتو عا صورة الله و مثالو. كيف ما عاملوكُن البشر و شو ما سموكن تسميات بشعة هيدي بتوصُف بس قلب صاحبها ما بتوصُفكن الكن. كل شخص تصرفاتو هيّي اللي بتلَوّنو و ابدًا مش لون بشرتو...الله يرافقكن و يلوِّن حياتكن بالرحمة و المحبة و الحكمة ...