[walaa farouk]

فن إدارة المسافات حكمة بالغة ..

بين العربية و اللي قدامها و اللي وراها مسافة امان لنتجنب الحوادث..

و بين الكواكب و بعضها مسافة امان تمنع اصطدامها ببعض ..

و بين الكلمة و اللي جنبها مسافة علشان نفهم المعني و نستوعبه..
سيب مسافة بين افكار عقلك و كلمات فمك لتتجنب الغضب و التسرع و الاندفاع و القرار غير المتوازن ..

و سيب مسافة راحة بين شغل و شغل حتي في نفس اليوم لتتجنب الإرهاق و الإجهاد و العصبية و عدم التركيز..

كمان حافظ علي المسافات بينك وبين الناس : مرات القرب الزيادة يزود الاحتكاك و المشاكل ، و الاهتمام الزايد يخنقك من الناس و يخنق الناس منك و تحسوا بالضجر و الملل و يمكن النفور ..

و العكس برضه ، البعد الشديد غير المبرر يزود الجفا، و يخلق الشقاقات و الخلافات ..

احسب مسافاتك صح كل شوية ترتاح و تريح ..