[walaa farouk]

نعمي في بلاد موآب ..🧕🏽
بتبتدى الأحداث في السوء، بداية من جوع في أرضها لغربة وفقد لجوزها وموت اولادها الاثنين... فقر وحزن .. مأساة بكل المقايس..زمان كانت الأرملة من أقل الطبقات في الشعب ..
ودي مش أرملة واحدة دول ٣.. هى وزوجات اولادها اللى ماتوا.. 😟
قررت نعمي بعد كل المأساويات دي تفتح عينيها على أرضها القديمة اللي سايباها من أكثر من عشر سنين..
قررت ترجع بيت لحم.. بيت الشبع.. بيت الخبز..
فتحت عينيها على الباب المفتوح قررت تمشي ناحية المكان اللي فيه الله ..
نعمي ما رجعتش بس عشان الخبز والخير اللى رجعوا لأرض بيت لحم من تانى بعد الجوع..
لكن نعمي قررت ترجع عشان هي فهمت ان ده المكان اللي الله موجود فيه ، لأن الخير موجود دليل على رضا الله عن الشعب وقتها..
أدركت إن الله موجود وحي في وسط الشعب ده وقررت ترجع للباب المفتوح ليها بالخير..

فَقَامَتْ هِيَ وَكَنَّتَاهَا وَرَجَعَتْ مِنْ بِلاَدِ مُوآبَ، لأَنَّهَا سَمِعَتْ فِي بِلاَدِ مُوآبَ أَنَّ الرَّبَّ قَدِ افْتَقَدَ شَعْبَهُ لِيُعْطِيَهُمْ خُبْزًا. (راعوث ١: ٦)

قرر ترجع للطريق الصح..
أتأكد النهاردة أن في باب لسة مفتوح قدامك بالخير ... باب لطريق الله موجود فيه...
ارجع لأرض الشبع ... كل الشبع موجود ليك