[walaa farouk]

للمختلفه..
اللى فى حته تانيه ...
اللى متشبهش اللى حواليها ..
اللى العين تترسم فيها صورتها منين ماتكون
للمتفرده ..للكامله بتفاصيل مميزه
للى كاسره كل قوالب الجمال وبره كل التصنيفات والمقارنه .
اللى متتنسيش ولا يتغلبط فى ملامحها .
اللى الذاكره تتحفر فيها وتيارات النسيان متطولهاش.
اللى وسط ملل العادى كانت هى الاستثناء
ايوه شايفه ابتسامتك الهاديه اللى بتترسم فى سكون على شفايفك فى كل مره بتسمعى الكلام ده
بس كمان شايفه قلبك اللى فى اوقات وحدتك رافض تفردك ..عارفه احساس غربتك وسط اللى حواليكى .. عارفه ان اوقات اقصى احلامك انك تكونى النسخه التقليديه من الشكل والملامح..
بس من واحده فى صفوف العاديين اللى فى منى كتير جايه اقولك .انتى اللى بيتشاف منك وبيكى ان للجمال وجوه كتيره. .و البصيره اللى بنعرف بيها ان مازال عند الله اسرار متنتهيش ..انتى اللى ميلغبطش فيكى مش محتاجه توضيح او شرح .ظاهره كالشمس بدون اى محاولات تعريف بيها.. انتى اللى هتفضل جميله كالقمر ..مرهبه كجيش بالويه
هتفضلى دايما ..
المختلفه ..النادره المتلونه بالوان اسرار الهيه خاصه❤