[walaa farouk]

قولي يارب ايه اللي خلاك تستحمل كل ده
تستحمل ده يهين وده يجرح
حتي تلاميذك حبايبك يزعقوا فيك لمجرد انهم افتكروك نايم
استحملت زعيقهم يقلولك احنا مش بنهمك وانت كل اهتمامك احنا وبس
استحملت تسيب مكانك اللي فيه كرامتك وملايكه بتخدمك ونزلت في مكان تقبل فيه اهانه وتقليل وعدم تقدير ومحدش بيخدمك ولا حتي وانت في جثيماني مخنوق وطلبت حد جنبك مالقتش حتي يقولك احنا جنبك
استحملت كلام صعب وكله جرح وانت كانت الكلمه منك بتشفي كل وجع في الشعب
استحملت الاهمال وانت اللي قولت لكل واحد انا لا اهملك ولا اتركك
استحملت تعيش وسط ناس مش شبهك ولا حتي حابينك وماشين وراك لمجرد انك بتشبعهم وبس
استحملت اذاي ان مايبقاش ليك مكان وانك كمان مش مقبول في وطنك
وتحس انك تقيل عليهم مع ان انت نيرك هين وحملك خفيف
استحملت انك بعد ماشفيت ال١٠ بُرص مشيوا ٩ منهم ومحدش حتي فيهم قالك كلمه شكرا
اذاي استحملت كل ده واكتر
لقيت الرد منك انك استحملت كل ده لمجرد انك بتحبني وبس
حُبك خلاك تستحمل وتكمل
حُبك خلاك تعمل كل حاجه ماتعملتش ليك
مدام يارب عاوزنا شبهك وزيك
ادينا من قلبك اللي يقدر يتحمل
ادينا من روحك اللي يخلينا نكمل
ادينا من حكمتك اللي تخلينا نهدي من جوانا
عاوزين نبقي شبهك في عالم بيشوهنا
كل اللي طالبينه ساعدنا