[Mary Naeem]

الحنية والطبطبة دول فطرة

الإنسان الحنين الطيب اللي بيعرف يواسي وقت الألم والأحتياج من غير ما تطلب هو بيفهم لوحده الإحساس عنده عالي حبتين
اللي دايما يقولك "في ايه مالك.. احكيلي براحة بس"
الناس دي بجد نعمة من ربنا.

مش أي حد عنده القدرة دي..
في ناس عندهم جمود تجاه الآخرين حتى لو متأثرين من جواهم..
مبيعرفوش يهونوا .. مبيعرفوش يطبطبوا او يسمعوا .. مبيعرفوش يخترقوا الجبل والهم اللي فوق الروح ويخلوك تحكي وتتكلم ..

الحنية صعب تكتسب .. الرحمة والمودة مبيتمثلوش .. دي متلازمة ف الانسان بتكبر معاه زي صوته وشكله ولونه..

ربنا يرزقكم ب ناس حنينة من جواها.. ناس شبهكم.. ناس تخفف عنكم..
دول حقيقي رزق ف الدنيا