16 - 10 - 2021, 08:35 PM
|
|
|
|
..::| الإدارة العامة |::..
|
|
|
|
|
|
الأمر ده الرسول بولس قاله لقادة الكنيسة..
وده لأن القادة كانوا بيتعاملوا
مع شخصيات صعبة جداً في الخدمة.
منهم اللي كان بيحب التسلط على اللي حواليه..
ومنهم اللي كان مش قادر يشتغل وسط فريق عمل،
ومنهم اللي كان بيفتعل مشاكل
علشان يخلي اللي معاه يسيبوا الكنيسة..
لكن الرسول بولس بيوصي القادة إنهم
يتعاملوا مع كل النوعيات دي بطول بال وصبر..
وده عكس اللي إحنا بنعمله في تعاملنا مع الشخصيات الصعبة،
لأننا الحقيقة في أوقات كتير بنتعامل
بعدم محبة وقبول لكل شخص متعب..
لكن اللي ممكن يكون غايب عن بالنا،
إن الشخص الصعب محتاج صبر في التعامل..
لو أنت قائد وفي ناس بتقودهم وشخصياتهم صعبة،
جرب إنك تعاملهم بصبر ومحبة وإحتمال..
أوقات كتير طولة بالنا على اللي حوالينا
بتساعدهم في التغيير. 👌
|