[souad jaalouk]

لكل يوم زوّادة: السّما هدف قدّامنا

يا رب انت قلتلنا اذا ضربنا حدا عا خدنا اليمين نبرملو الشمال، اليوم يا رب مش عارفين الضربات من وين و من مين عم تِجيلنا مش عم نلحق نبرم من ميلة لميلة! كتير كتران الشرّ هالإيّام... يا ربّ بدونك نحنا ما منقدر نعمل شي، انت قوّتنا و رجانا و سلاحنا...
عطينا يا رب القوّة و الصبر نكمّل و ما نستسلم شو ما طلع بطريقنا و نحطّ السما هدف النا هيك كل ما وقعنا منقوم منوقف اقوى من ما كنّا و هيك منستاهل نتسمّى ولادك و تلاميذك يا رب...