[walaa farouk]

عندما يدخل الأسد عرينه.

لانه صاحب كرامة عالية ، لا يحب أن يراه احد و هو مجروح ، فتجده يدخل وحيدا يلملم جراحه دون الحاجة لحد،
علشان ما يصعبش علي حد و لا يوري ضعفه لحد ..

صحيح الفضفضة مرات بتريح و تخفف العبء النفسي
، بس فين تلاقي اللي بيسمع و يقدر و يشجع و يسند
و يتواجد جنبك و فاضيلك اصلا !!

و كم مرة فضفضفتك جابت نتيجة عكسية من حد لا فاهمك و لا عنده وقت ، و هو نفسه غرقان في نفسه و عاوز اللي يسمعه و يحس بيه !!

هنا يطلع الاسد اللي جواك، و تخش مملكتك ،
عرينك ، و انت رافع راسك ، و مش مذلول لحد و لا مستني حد ..

و جوه قوي تشتكي قلبك لقلبك ، و تصفي عقلك مع عقلك،
و تراضي نفسك بنفسك..

لما ما تلاقيش حد ، ح تلاقي ايدك ساندة ايدك ،
و كفك بيمسح دموعك ..

و في الهدوء ده فيه تعزية سماوية ح تيجي في قلبك من رب الكون
، اللي احن علي نفسك من نفسك..

لما يغيب سندك، جوه عرينك ح تلاقي اللي يعينك ..