[Mary Naeem]

لو سمحت احنا عايزين مصر بتاعت مسلسل الساعة 8
وحديث الروح الساعة 9 الا ربع .. ووراه اخبار الساعة 9
وبعدين نحاول نحل سؤال الجنيه الدهب مع طارق علام وفي الاخر نشوف فيلم يارب ولد او الحفيد أو اي فيلم او مسلسل محترم
وبعدين السلام الوطني والتليفزيون يقفل
ويشتغل وشششش. وبعدين ندخل ننام
احنا مش عايزين تليفونات .. مش عايزين فيس ولا انستجرام ولا حتي الماسنجر ولا اي برامج تواصل
خد حاجتك دي كلها والله ماعايزينها .. بس رجعلنا لمتنا في البيت زي زمان ..لمتنا وسط اهلنا .. وسط ابونا وامنا
وسط الخير .. رجعلنا حياتنا اللي كان كل همنا ساعتها اني اكتب الواجب واحفظ جدول الضرب
خد كل حاجتك ورجعلنا ناس كانوا عايشين حياتهم بس عشان احنا نبقي مبسوطين ومفيش حد ناقص مننا