[walaa farouk]

محتاج ناس...
اكون مسنود بيهم، مش عليهم...
مسئول ناحيتهم، مش عنهم...
محبوب وسطيهم، مش بيهم...
مطمن ليهم، مش بسببهم.
مقبول منهم، مش لأني لكن برغم إني...
باتغير بينهم، مش خوف منهم...
وباغيّر فيهم، مش رفض ليهم.
بنحب من غير حسابات...
ونقول الحق من غير إهانات...
بنسند، ونواجه...
ونشجع ونعاتب...
نغلط ونعتذر...
نتخانق ونتصالح...
نحترم حدودنا وحدود بعض...
ونكتم السر...
ونتصارح.
ونكمّل ع الحلوة والمرة...
ونختار وحدتنا في النار...
عن الوحدة لو كانت في جنة...
ما هي دي الجنة
وجنة من غير ناس ماتنداس...
محتاج ناس!

شجعني_شكرا