06 - 09 - 2021, 04:38 PM
|
|
|
|
† Admin Woman †
|
|
|
|
|
|
#العلاقات !
حصل موقف من فترة ف المواصلات اللى حصل واحدة قاعدة جمبى و بتتكلم ف التليفون مع راجل تقريبا كدة مرتبطين و فجأة بدأت تقولة !
اتمنى متختفيش تانى !
اتمنى تفضل موجود !
اتمنى ترد عليا !
قولى اعمل اية و متسبنيش !
طيب انت اتغيرت لية ؟ هو انا زعلتك ! و لا ف حد تانى !
سلسلة من قلة القيمة و التنازلات و قلة الكرامة !
و انا متنحة اللى هو ازاى بتعملى ف نفسك كدة ! 
معاكى الخبير الأجنبى و لا هو آخر قطعة و لا اية بالظبط !
و بعدين يعنى لما تعملى كدة هتصعبى علية مثلا ف هيكمل ؟!
وحتى لو كمل دى علاقة محترمة تستاهل تبقى فيها ثانية واحدة !!
#الخلاصة
و دة رايى الشخصى
محدش بيكمل بالزق كدة ! واللى مش محترمك دلوقت مش هيحترمك بعدين !
** و الحب و العلاقات اتعملت للمشاركة المتبادلة و المحترمة مش قلة قيمة دة ذل !
** مشاعركم غالية و تستاهل تتقدر و إلى ميعرفش قيمتها مع الف سلامة و يجى حد تانى يقدرها !
|